Friday, May 22, 2020

Written on

IOC පෙට්‍රල් මිල පෙර තත්වයට පහත වැටෙයි

ඔක්ටේන් 92 වර්ගයේ පෙට්‍රල් ලීටරයක මිල රුපියල් 05 කින් පහත දැමීමට ඉන්දියන් ඔයිල් සමාගම තීරණය කර තිබෙනවා. අද මධ්‍යම රාත්‍රියේ සිට මෙම මිල සංශෝධනය ක්‍රියාත්මක වන බවයි වාර්තා වන්නේ.

මීට දින කිහිපයකට පෙර එම සමාගම ඔක්ටේන් 92 වර්ගයේ පෙට්‍රල් ලීටරයක මිල රුපියල් 05 කින් ඉහළ දැමූ අතර ඒ අනුව එම සමාගම එම පෙට්‍රල් අලෙවි කරන්නේ රුපියල් 142 කටයි. කෙසේ වෙතත් ඛනිජ තෙල් සංස්ථාව තවමත් 137 කට ඔක්ටේන් 92 අලෙවි කරයි.

IOC සමාගමේ මිල පහළ දැමීම අද මධ්‍යම ර‍ාත්‍රියේ සිට ක්‍රියාත්මක වන අතර ඒ අනුව එම සමාගම නැවතත් පෙර පැවති මිලටම පෙට්‍රල් අලෙවි කිරීමට තීරණය කර තිබේ.‍

More News