🔥 සාමාන්‍ය පෙළ පෙළට A සාමාර්ථ 9 ක් ගත් සිසුන් ගණන 10,346 ක්

2019 අධ්‍යන පොදු සහතික පත්‍ර සාමාන්‍ය පෙළ විභාගයෙන් A සාමාර්ථ 9 ක් ලබා ගත් සිසුන් ගණන 10,346 ක් වන බව විභාග කොමසාරිස් ජනරාල් සනත් පූජිත මහතා පවසයි.

අද(27) සවස 2019 අධ්‍යන පොදු සහතික පත්‍ර සාමාන්‍ය පෙළ විභාගයේ ප්‍රතිඵල ‍නිකුත් කෙරිණි.

ඒ අනුව විභාගයෙහි පෙනී සිටි අයඳුම්කරුවන්ගේ ප්‍රතිඵල අනුව සකස් කරන ලද සංඛ්‍යා ලේඛන තොරතුරු විභාග දෙපාර්තමේන්තුව විසින් නිකුත් කර තිබේ.

ඒ අනුව විභාගයට අයඳුම් කළ මුළු අයඳුම්කරුවන් ගණන 717,246 ක් වෙයි.

විභාගයට පෙනී සිටි සංඛ්‍යාව 556,256 ක් වන අතර ඉන් උසස් පෙළ සඳහා සුදුසුකම් ලත් ප්‍රතිශතය සියයට 73.84 ක් බවද විභාග කොමසාරිස් සනත් පූජිත මහතා නිවේදනය කරයි.

ගණිතය සමත් ප්‍රතිශතය සියයට 66.82 ක් වන බවද විභාග කොමසාරිස්වරයා පෙන්වා දෙයි.

අධ්‍යයන පොදු සහතික පත්‍ර සාමාන්‍ය පෙළ විභාග පසුගිය දෙසැම්බර් 02 වන දින සිට දෙසැම්බර් 12 වැනිදා දක්වා විභාග මධ්‍යස්ථාන 4989කදී පැවැත් විය.

විභාගයට පෙනී සිටි පාසල් අයඳුම්කරුවන් ගණන 433,189ක් වන අතර පෞද්ගලික අයදුම්කරුවන් ගණන 284,057කි.